"Milan" bosh murabbiyi Paulu Fonseka "Real" ustidan qozonilgan g‘alaba (1:3) haqida fikr bildirdi.
"O‘ylaymanki, biz haqli g‘alaba qozondik, chunki futbolchilarda jasorat bor edi. Biz bu yerga hech qanday qo‘rquvsiz keldik.
To‘g‘risini aytsam, Chempionlar ligasidan ko‘ra A Seriyada o‘ynash qiyinroq, bu taktik nyuanslar bilan bog‘liq, bu yerda bo‘sh joy ancha ko‘p. Raqibimiz dunyoning eng yaxshi jamoasi "Real Madrid" bo‘lsa ham bu turnirda o‘ynash bizga osonroq, chunki ular butunlay boshqacha futbol o‘ynashadi.
Morataning o‘yini? Ha, u yarim himoya va hujumni bog‘lash qobiliyatiga ega, u maydonni tark etgach, bizda to‘pga kamroq egalik qila boshladik, Abraxamda boshqa kuchli fazilatlar bor", - deya Fonseka so‘zlarini keltiradi Sky Sport Italia.
