"Liverpul" bosh murabbiyi Arne Slot Germaniyaning "Bayer" klubi bosh murabbiyi Xabi Alonso haqida gapirdi. Ispaniyalik futbolchi 2004-2009 yillarda "qizillar" safida to‘p tepgan.
"Bugun muxlislar mening sharafimga qo‘shiq aytishi menga yoqdi. Bu men uchun har doim alohida narsa bo‘lib qoladi. Ammo Xabi Alonsoning olqishlarga sazovor bo‘lgani ham bundan kam emas. Xabi bu klub uchun alohida shaxs. U muxlislarimiz tomonidan iliq kutib olishga loyiq", - deya Slot so‘zlarini keltiradi "Liverpul" rasmiy sayti.
Bir kun avval, 5 noyabr kuni "Liverpul" Chempionlar ligasi umumiy bosqichi 4-tur uchrashuvida "Bayer"ni mag‘lub etdi (4:0). Turnir jadvalida to‘rt tur natijalariga ko‘ra, "Liverpul" 12 ochko bilan birinchi o‘rinni egallab turibdi, "farmasevtlar" yetti ochko jamg‘arib, 11-o‘rinda bormoqda.
