"Real" o‘z maydonida Chempionlar ligasi doirasida "Milan"ga 1:3 hisobida mag‘lub bo‘ldi. Yarim himoyachi Aureliyen Tchuameni dastlabki 45 daqiqadan so‘ng almashtirildi.
Madrid klubi o‘zining rasmiy saytida fransiyalik futbolchining holati bo‘yicha bayonot e’lon qildi. “Real” xabariga ko‘ra, tibbiy ko‘rikdan so‘ng Tchuamenining chap to‘pig‘ida muammo aniqlangan. Madrid klubi fransiyalik futbolchining tiklanish vaqtini aniq aytmadi.
"Real Madrid" navbatdagi o‘yinini 9 noyabr, shanba kuni o‘tkazadi. Karlo Anchelotti shogirdlari Ispaniya chempionatida “Osasuna”ni qabul qiladi. "Real Madrid" ayni damda turnir jadvalida ikkinchi o‘rinni egallab turibdi.
