Madridning “Real” klubining turkiyalik yarim himoyachisi Arda Gyuler qishki transfer oynasida Angliyaga ko‘chib o‘tishi mumkin.

Fichajes xabariga ko‘ra, yosh futbolchining xizmatlariga "Tottenxem" qiziqish bildirmoqda.

Qayd etilishicha, «Real» Gyulerni ijaraga berishga tayyor, ammo bu shart ingliz klubining talablariga mos kelmasligi mumkin.

Iste’dodli yarim himoyachi uchun Yevropaning bir qancha klublari, jumladan, "Fenerbaxche" da’vogarlik qilmoqda. 19 yoshli turkiyalik futbolchi joriy mavsumda "Real"ning 11 ta uchrashuvida ishtirok etdi, ammo gol ura olmagan.