Kataloniyaning “Barselona” klubi Chempionlar ligasi guruh bosqichining navbatdagi turida Belgradda mahalliy "Srvena Zvezda"ni 5:2 hisobida mag‘lub etdi.
Bu Kataloniya grandining yirik hisobdagi ketma-ket uchinchi g‘alabasi bo‘ldi. Avval ular “Yang Boyz”ni 5:0, “Bavariya”ni 4:1, endi esa serblarni 5:2 hisobida mag‘lub etishdi.
Ma’lum bo‘lishicha, "Barselona" uzoq 1959/1960 yilgi mavsumdan beri Liga yoki Chempionlar kubogida ketma-ket uchta o‘yinda to‘rt va undan ko‘p gol ura olmagandi. O‘shanda "Barsa" "Milan" darvozasiga beshta gol urib, keyingi bosqichga yo‘l oldi va u yerda ikki marta ingliz "Vulverxempton"ni jiddiy ranjitdi - 4:0 va 5:2.
