Каталониянинг “Барселона” клуби Чемпионлар лигаси гуруҳ босқичининг навбатдаги турида Белградда маҳаллий "Црвена Звезда"ни 5:2 ҳисобида мағлуб этди.

Бу Каталония грандининг йирик ҳисобдаги кетма-кет учинчи ғалабаси бўлди. Аввал улар “Янг Бойз”ни 5:0, “Бавария”ни 4:1, энди эса сербларни 5:2 ҳисобида мағлуб этишди.

Маълум бўлишича, "Барселона" узоқ 1959/1960 йилги мавсумдан бери Лига ёки Чемпионлар кубогида кетма-кет учта ўйинда тўрт ва ундан кўп гол ура олмаганди. Ўшанда "Барса" "Милан" дарвозасига бешта гол уриб, кейинги босқичга йўл олди ва у ерда икки марта инглиз "Вулверхэмптон"ни жиддий ранжитди - 4:0 ва 5:2.