Saudiyaning “Al-Hilol” klubi hujumchisi Neymar 4 noyabr kuni bo‘lib o‘tgan Osiyo Chempionlar ligasi doirasidagi o‘yinda uning uzugi o‘g‘irlangani haqidagi xabarlarni rad etdi.
Avvalroq internetda 32 yoshli braziliyalik futbolchi maydonga kirishdan oldin muxlislardan biri bilan qo‘l berib ko‘rishib, qimmatbaho taqinchog‘ini yo‘qotib qo‘ygani haqidagi video tarqaldi.
"Sizlar aqldan ozyapsizlar! Shu haftaning o‘zida uchta soxta xabar keldi. Bunday ko‘p obunachiga ega akkaunt feyk xabar tarqatayotgani ahmoqlik", - deb yozdi Neymar.
