"Milan”ning sobiq hujumchisi Andriy Shevchenko, “Roma”ning sobiq yarim himoyachisi Daniele De Rossi va Italiya terma jamoasi bosh murabbiyi Luchano Spaletti Italiya futboli shon-shuhrat zaliga kiritiladi.
Bu 11 noyabr, dushanba kuni sodir bo‘ladi. Bu haqda Italiya futbol federasiyasi matbuot xizmati o‘zining rasmiy saytida ma’lum qildi.
Italiya futboli shon-sharaf zali 2011 yilda tashkil etilgan. U Italiya futbolining merosi, tarixi, madaniyati va qadriyatlarini saqlashga qaratilgan. Har yili zalga yangi o‘yinchilar, murabbiylar, hakamlar, rasmiylar nominasiyalar bo‘yicha qo‘shiladi: italiyalik futbolchi, murabbiy, faxriy, hakam, funksioner, xorijlik futbolchi va xotira mukofotlari ham beriladi.
