"Милан”нинг собиқ ҳужумчиси Андрий Шевченко, “Рома”нинг собиқ ярим ҳимоячиси Даниэле Де Росси ва Италия терма жамоаси бош мураббийи Лучано Спалетти Италия футболи шон-шуҳрат залига киритилади.
Бу 11 ноябрь, душанба куни содир бўлади. Бу ҳақда Италия футбол федерацияси матбуот хизмати ўзининг расмий сайтида маълум қилди.
Италия футболи шон-шараф зали 2011 йилда ташкил этилган. У Италия футболининг мероси, тарихи, маданияти ва қадриятларини сақлашга қаратилган. Ҳар йили залга янги ўйинчилар, мураббийлар, ҳакамлар, расмийлар номинациялар бўйича қўшилади: италиялик футболчи, мураббий, фахрий, ҳакам, функционер, хорижлик футболчи ва хотира мукофотлари ҳам берилади.
