"Lill" hujumchisi Jonatan Devidga Italiya va Angliyada talab katta.

Kanadalik futbolchi kelasi yozda erkin agent sifatida yangi jamoaga o‘tishi mumkin - u muddati tugaydigan shartnomasini uzaytirmoqchi emas. Corriere dello Sport xabariga ko‘ra, "Yuventus" hali ham Devidning xizmatlariga qiziqish bildirmoqda, ammo turinliklar Angliyaning "Arsenal", "Manchester Yunayted" va "Liverpul" raqobatiga dosh berishi kerak.

Jonatan Devid joriy mavsumda "Lill" safida barcha turnirlarda 18 ta o‘yinda maydonga tushib, 13 ta gol urdi va 2 ta golli uzatmani amalga oshirdi. Kanadalikning qiymati Transfermarkt ekspertlari tomonidan 45 million yevroga baholanmoqda.