"Лилль" ҳужумчиси Жонатан Дэвидга Италия ва Англияда талаб катта.
Канадалик футболчи келаси ёзда эркин агент сифатида янги жамоага ўтиши мумкин - у муддати тугайдиган шартномасини узайтирмоқчи эмас. Corriere dello Sport хабарига кўра, "Ювентус" ҳали ҳам Дэвиднинг хизматларига қизиқиш билдирмоқда, аммо туринликлар Англиянинг "Арсенал", "Манчестер Юнайтед" ва "Ливерпуль" рақобатига дош бериши керак.
Жонатан Дэвид жорий мавсумда "Лилль" сафида барча турнирларда 18 та ўйинда майдонга тушиб, 13 та гол урди ва 2 та голли узатмани амалга оширди. Канадаликнинг қиймати Transfermarkt экспертлари томонидан 45 миллион еврога баҳоланмоқда.
