Qozog‘istonda sambo bo‘yicha kattalar o‘rtasida o‘tayotgan jahon chempionatida mamlakatimiz terma jamoasi a’zolari muvaffaqiyatli ishtirok etmoqda.

Kecha jahon chempionatining ikkinchi kungi bellashuvlarida 9 ta vazn toifasida g‘olib va sovrindorlar aniqlandi. Murosasiz bellashuvlar natijasida sambochilarimiz 1 ta oltin, 3 ta kumush medallarga sazovor bo‘ldi.

O‘zbekiston terma jamoasi a’zolaridan Shahzoda Azatova -59 kilogrammda jahon chempioni unvoniga sazovor bo‘lgan bo‘lsa, Sardor Olimjonov -64 kilogrammda, Ozodbek Murotov -98 kilogrammda va Mavluda Abdullayeva -80 kilogrammda kumush medallarni qo‘lga kiritdi.

Terma jamoamizning umumiy sovrinlari soni 2 ta oltin, 5 ta kumush medalni tashkil etmoqda.

 Bugun, 10 noyabr kuni musobaqaning so‘nggi kunida sambochilar 10 ta vaznda kechadigan kurashlarda gilamga chiqadi.