Londonning «Arsenal» klubi sardori Martin Edegor jarohatidan forig‘ bo‘ldi va uzoq vaqtdan beri ilk bor asosiy tarkibga tushdi.
Norvegiyalik futbolchi «Chelsi»ga qarshi o‘yinni to‘liq o‘tkazib (1:1) golli uzatmani amalga oshirdi. Bu yarim himoyachining avgust oyi oxiridan beri «kanonirlar» safidagi ilk o‘yini.
«Aql bovar qilmaydigan... Men yana sevgan ishimni qilyapman. Bu butun hayotimdagi futbol o‘ynamagan eng uzoq davr edi. G‘alaba qozona olmaganimizdan xafa bo‘lsam ham, maydonga qaytganimdan xursandman.
Fitnes murabbiylarim va fizioterapevtlarim va men juda ko‘p ish qildik, ular meni har kuni tiklanishimga yordam berishdi. Men imkon qadar tezroq qaytishni xohlardim va bugun o‘zimni yaxshi his qildim. Men butun 90 daqiqa o‘ynayman deb o‘ylamagandim, chunki jamoa bilan bor-yo‘g‘i uchta mashg‘ulot o‘tkazdim», dedi Edegor "Sky Sports" bilan suhbatda.
