Лондоннинг «Арсенал» клуби сардори Мартин Эдегор жароҳатидан фориғ бўлди ва узоқ вақтдан бери илк бор асосий таркибга тушди.
Норвегиялик футболчи «Челси»га қарши ўйинни тўлиқ ўтказиб (1:1) голли узатмани амалга оширди. Бу ярим ҳимоячининг август ойи охиридан бери «канонирлар» сафидаги илк ўйини.
«Ақл бовар қилмайдиган... Мен яна севган ишимни қиляпман. Бу бутун ҳаётимдаги футбол ўйнамаган энг узоқ давр эди. Ғалаба қозона олмаганимиздан хафа бўлсам ҳам, майдонга қайтганимдан хурсандман.
Фитнес мураббийларим ва физиотерапевтларим ва мен жуда кўп иш қилдик, улар мени ҳар куни тикланишимга ёрдам беришди. Мен имкон қадар тезроқ қайтишни хоҳлардим ва бугун ўзимни яхши ҳис қилдим. Мен бутун 90 дақиқа ўйнайман деб ўйламагандим, чунки жамоа билан бор-йўғи учта машғулот ўтказдим», деди Эдегор "Sky Sports" билан суҳбатда.
