O‘zbekiston Respublikasi Sport vazirligida O‘zbekiston Respublikasi Markaziy banki hamda tijorat banklarining sport targ‘ibotchilari uchun o‘quv-seminar tashkil etildi.
“Jismoniy tayyorgarlik darajasi” sport sinovlarini qabul qilish jarayonlarini tashkil etish yuzasidan o‘tkazilgan o‘quv-seminarda Sport vaziri Adkham Ikramov ishtirok etib, tijorat banklari xodimlaridan sport sinovlarini qabul qilish yuzasidan o‘zining tavsiyalarini bildirdi hamda loyihani qo‘llab-quvvatyotganligi uchun Markaziy bank ma’muriyatiga o‘z minnatdorchiligini bildirdi.
O‘zbekiston Respublikasi Prezidentining 2021-yil 16-iyundagi 5148-son qaroriga muvofiq har yili noyabr oyida davlat idora va tashkilotlari xodimlaridan, jumladan, O‘zbekiston Respublikasi Markaziy banki hamda tijorat banklari xodimlaridan “Jismoniy tayyorgarlik darajasi” sport sinovlarini qabul qilish belgilangan. Shunga muvofiq 15-30-noyabr kunlari respublika bo‘ylab tijorat banklari xodimlaridan sport sinovlari qabul qilinadi.
Shuningdek, sog‘lom turmush tarzi va ommaviy sportni rivojlantirish maqsadida banklarda faoliyat yuritayotgan sport targ‘ibotchilarini faollikga chaqirib, sport sinovlarini topshirib, eng yaxshi natijalarni qayd etgan bank xodimlari munosib rag‘batlantirilishi, sport sinovlarini qabul qilish yuzasidan monitoring yuritilib, uning natijalariga ko‘ra, xodimlari faol ishtirok etgan bank rahbarlari va sport targ‘ibotchilari “Jismoniy tarbiya va sport a’lochisi” ko‘krak nishoni bilan taqdirlanishini ma’lum qildi.
