Turinning "Yuventus" klubi himoya chizig‘ida muammoga duch keldi.
La Gazzetta Dello Sport nashri xabariga ko‘ra, "zebralar"ning chap qanot himoyachisi, himoya markazida ham o‘ynay oladigan Xuan Kabal Kolumbiya terma jamoasi ixtiyorida jarohat olgan.
Tekshiruv shuni ko‘rsatdiki, Kabal chap tizzasidagi xochsimon bog‘lamlarini shikastlagan. Jarohatning aniq zarari hozircha noma’lum, uni aniqlash uchun Xuan o‘z klubida qo‘shimcha tekshiruvdan o‘tadi.
Manbaning qayd etishicha, 23 yoshli futbolchi mavsumning qolgan qismini o‘tkazib yuborishi mumkin.
