Туриннинг "Ювентус" клуби ҳимоя чизиғида муаммога дуч келди.
La Gazzetta Dello Sport нашри хабарига кўра, "зебралар"нинг чап қанот ҳимоячиси, ҳимоя марказида ҳам ўйнай оладиган Хуан Кабаль Колумбия терма жамоаси ихтиёрида жароҳат олган.
Текширув шуни кўрсатдики, Кабаль чап тиззасидаги хочсимон боғламларини шикастлаган. Жароҳатнинг аниқ зарари ҳозирча номаълум, уни аниқлаш учун Хуан ўз клубида қўшимча текширувдан ўтади.
Манбанинг қайд этишича, 23 ёшли футболчи мавсумнинг қолган қисмини ўтказиб юбориши мумкин.
