O‘zbekiston Respublikasi Prezidenti hamda Hukumatning sport sohasini yanada rivojlantirishga qaratilgan Farmon va Qarorlari ijrosini ta’minlash maqsadida Sport vaziri o‘rinbosari Shaxrillo Maxmudov Samarqand viloyatida o‘rganish ishlarini olib bordi.
Tashrif davomida Bulung‘ur, Jomboy, Oqdaryo, Ishtixon va Kattaqo‘rg‘on tumanlaridagi sport maktablarining holati, ularda sportchilar uchun yaratilgan shart-sharoitlar, kuz-qish mavsumiga tayyorgarlik, “Yashil makon” umummilliy loyihasi doirasida amalga oshirilgan ishlar ko‘zdan kechirildi.
Shuningdek, vazir o‘rinbosari Samarqand olimpiya va paralimpiya sport turlariga tayyorlash markazida olib borilayotgan sport mashg‘ulotlari, sportchilarga yaratilgan sharoitlar bilan tanishdi.
Xususan, markazdagi imkoniyatlaridan oqilona va samarali foydalanish, Toshkent-2025 yoshlar Osiyo hamda ParaOsiyo o‘yinlariga viloyat sportchilarini puxta tayyorlash masalalari yuzasidan mas’ullarga tegishli topshiriqlar berildi.
