Payshanba oqshomida Fransiya terma jamoasi Millatlar ligasida o‘z uyida Isroilni mag‘lub eta olmadi.
Fransiya terma jamoasi uchun bu 2024 yildagi to‘rtinchi golsiz durangdir. Opta.com ma’lumotlariga ko‘ra, "uch ranglilar" 2004 yildan beri bir yil davomida bunchalik ko‘p golsiz durang o‘tkazmagan (o‘shanda bir yilda beshta 0:0 hisobi qayd etilgan).
Quyida Fransiya terma jamoasining bu yilgi golsiz duranglar ro‘yxati keltirilgan:
Fransiya – Kanada 0:0 (o‘rtoqlik uchrashuvi);
Niderlandiya – Fransiya 0:0 (Evro-2024);
Portugaliya – Fransiya 0:0 (Evro-2024, keyin Fransiya penaltilar seriyasida g‘alaba qozondi);
Fransiya – Isroil 0:0.
17 noyabr, yakshanba kuni Fransiya terma jamoasi Millatlar ligasi doirasida Italiyaga qarshi safar uchrashuvini o‘tkazadi.
