Пайшанба оқшомида Франция терма жамоаси Миллатлар лигасида ўз уйида Исроилни мағлуб эта олмади.
Франция терма жамоаси учун бу 2024 йилдаги тўртинчи голсиз дурангдир. Opta.com маълумотларига кўра, "уч ранглилар" 2004 йилдан бери бир йил давомида бунчалик кўп голсиз дуранг ўтказмаган (ўшанда бир йилда бешта 0:0 ҳисоби қайд этилган).
Қуйида Франция терма жамоасининг бу йилги голсиз дуранглар рўйхати келтирилган:
Франция – Канада 0:0 (ўртоқлик учрашуви);
Нидерландия – Франция 0:0 (Евро-2024);
Португалия – Франция 0:0 (Евро-2024, кейин Франция пеналтилар сериясида ғалаба қозонди);
Франция – Исроил 0:0.
17 ноябрь, якшанба куни Франция терма жамоаси Миллатлар лигаси доирасида Италияга қарши сафар учрашувини ўтказади.
