Bruney futbol federasiyasi prezidenti Faysal Yusoffning aytishicha, RFI terma jamoalar o‘rtasidagi o‘rtoqlik o‘yini tashkil etish bo‘yicha barcha xarajatlarni o‘z zimmasiga olgan, logistika xarajatlari esa 100 ming dollardan oshgan.
“Bu yerga borish uchun barcha xarajatlar RFI tomonidan qoplandi. Bu juda katta miqdor, lekin men aniq raqam aytmayman. 100 ming dollardan ortiq miqdor haqida bilaman.
Birgina 40 kishilik delegasiya uchun chiptalar shuncha qimmat turadi. Bundan tashqari, mehmonxonada turar joy, ovqatlanish va sayohat mavjud.
Qolaversa, federasiyamiz Rossiya terma jamoasi bilan o‘yin o‘tkazgani uchun ham ma’lum miqdorda ishlab topgan”, — dedi Yusoff.
Eslatib o‘tamiz, 15 noyabr kuni Krasnodarda Rossiya terma jamoasi Bruney terma jamoasini 11:0 hisobida mag‘lub etgandi.
