Бруней футбол федерацияси президенти Файсал Юсоффнинг айтишича, РФИ терма жамоалар ўртасидаги ўртоқлик ўйини ташкил этиш бўйича барча харажатларни ўз зиммасига олган, логистика харажатлари эса 100 минг доллардан ошган.
“Бу ерга бориш учун барча харажатлар РФИ томонидан қопланди. Бу жуда катта миқдор, лекин мен аниқ рақам айтмайман. 100 минг доллардан ортиқ миқдор ҳақида биламан.
Биргина 40 кишилик делегация учун чипталар шунча қиммат туради. Бундан ташқари, меҳмонхонада турар жой, овқатланиш ва саёҳат мавжуд.
Қолаверса, федерациямиз Россия терма жамоаси билан ўйин ўтказгани учун ҳам маълум миқдорда ишлаб топган”, — деди Юсофф.
Эслатиб ўтамиз, 15 ноябрь куни Краснодарда Россия терма жамоаси Бруней терма жамоасини 11:0 ҳисобида мағлуб этганди.
