Suriya terma jamoasi 7 nafar asosiy futbolchisining Rossiyaga qarshi maydonga tushmasligi haqidagi xabarlarni rad etdi.

Avvalroq, “TASS” matbuot xizmati Suriya terma jamoasining yetti nafar asosiy futbolchisi turli sabablarga ko‘ra, jumladan, jarohatlar tufayli maydonga tushmasligini ma’lum qilgandi.

“Jamoamizdan yetti nafar futbolchi jarohat olgan yoki Rossiyaga qarshi o‘ynay olmaydi, deb aytmadik. Aslida ular to‘rtta bo‘lib, ular shu yilning iyun oyidan beri Suriya terma jamoasiga chaqirilmagan.

Ularni o‘yinda qatnashmayapti yoki jarohat olgan deb ayta olmaymiz - bu futbolchilar shunchaki jamoamizga chaqirilmagan.

Rossiyaga Suriya terma jamoasi mahalliy chempionatdan to‘rt nafar futbolchi bilan keldi. Qolganlarning barchasi professional va Osiyo, Yevropa va Janubiy Amerika klublarining asosiy futbolchilari”, - deydi Suriya futbol assosiasiyasi kommunikasiyalar direktori Emad Amiri.

Rossiya - Suriya o‘yini 19 noyabr kuni Volgogradda bo‘lib o‘tadi.