Сурия терма жамоаси 7 нафар асосий футболчисининг Россияга қарши майдонга тушмаслиги ҳақидаги хабарларни рад этди.
Аввалроқ, “ТАСС” матбуот хизмати Сурия терма жамоасининг етти нафар асосий футболчиси турли сабабларга кўра, жумладан, жароҳатлар туфайли майдонга тушмаслигини маълум қилганди.
“Жамоамиздан етти нафар футболчи жароҳат олган ёки Россияга қарши ўйнай олмайди, деб айтмадик. Аслида улар тўртта бўлиб, улар шу йилнинг июнь ойидан бери Сурия терма жамоасига чақирилмаган.
Уларни ўйинда қатнашмаяпти ёки жароҳат олган деб айта олмаймиз - бу футболчилар шунчаки жамоамизга чақирилмаган.
Россияга Сурия терма жамоаси маҳаллий чемпионатдан тўрт нафар футболчи билан келди. Қолганларнинг барчаси профессионал ва Осиё, Европа ва Жанубий Америка клубларининг асосий футболчилари”, - дейди Сурия футбол ассоциацияси коммуникациялар директори Эмад Амири.
Россия - Сурия ўйини 19 ноябрь куни Волгоградда бўлиб ўтади.
