ITKF Xalqaro an’anaviy Karate-do Federasiyasi 2014 yildan buyon Osiyo Okeaniya Karate-do Federasiyasi a’zosi hisoblanib, hozirgi kunda 70 dan ortiq murabbiylari va 5000 dan ortiq sportchilari mavjud.
14, 15, 16 noyabr kunlari O‘zbekiston Davlat jismoniy tarbiya va sport universitetida sportning ITKF karate-do turi bo‘yicha barcha yosh toifalari o‘rtasida Xalqaro turnir o‘tkazildi.
“Ushbu xalqaro turnir: 6-8 yosh – bolalar va qizlar, 9-13 yosh – yoshlar va qizlar, 14-18 yosh – o‘smirlar va o‘smir qizlar, 19-21+ kattalar va ayollar, 40+ faxriylar o‘rtasida bo‘lib o‘tmoqda. Ayni paytda mamlakatingizda 5 ming nafardan ziyod sportchilar ushbu sport turi bilan shug‘ullanib kelmoqda. O‘zbekiston bundan oldin ham 1 marta jahon va 4 marta Osiyo chempionatiga mezbonlik qilgan. “ITKF Asia Oceania” prezidenti Ibrahim Al-Bakr ham ishtirok etmoqda”, deydi ITKF karate-do Prezidenti Shuhrat Kushmuratov.
“Avvalombor, ushbu chempionatni o‘tkazishga yaqindan yordam bergan O‘zbekiston Davlat jismoniy tarbiya va sport universiteti rektori Rashid Matkarimovga o‘z minnatrodchiligimni bildiraman. Men Chirchiq shahrida birinchi marotoba bo‘lishim va ushbu shahar ham menga juda yoqdi. Barcha sportchilamizga va tadbir tashkilotchilariga rahmat aytmoqchiman. O‘ylaymanki, kelajakda ushbu universitet bilan hamkorligimiz bardovom bo‘ladi”, deydi Osiyo-Okeaniya ITKF Federasiyasi prezidenti Ibrohim Al-Bakr.
“Barchangiz xalqaro turning “Traditional chempoionship karate open Tashkent” ochilish marosimiga xush kelibsiz. So‘nggi yillarda mamlakatimiz sport sohasida jahon arenalarida katta yutuqlarga erishib kelmoqda. Albatta, bu yurtboshimiz tomonidan sohada yaratilayotgan yetarlicha sharoitlari natijasidir. Universitetimiz ITKF karate-do Federasiyasi bilan hamkorlikni yo‘lga qo‘ydik. Kelajakda ushbu sport turining qamrovini yanada kengaytirishda o‘z hissamizni qo‘shamiz degan umiddaman.” O‘zbekiston Davlat jismoniy tarbiya va sport universiteti rektori Rashid Matkarimov.
Ushbu xalqaro turnirning ochilish marosimi tantanali tarzda o‘tkazilda va g‘olib sportchilar taqdirlandi.
O‘zbekistonda o‘tkazilgan chempionatlar
1 ta Jahon chempionati
4 ta Osiyo chempionati
10 ta Respublika chempioti o‘tkazilgan.
Hamkorlar:
Xalqaro Kimyo texnologiya instituti, “Alfraganus” instituti, O‘zbekiston Davlat jismoniy tarbiya va sport universiteti, Namangan Davlat universiteti, Urganch Davlar universitetlari bilan hamkorlik yo‘lga qo‘yildi. Ushbu institut va universitetlarda talabalar darslardan so‘ng, karate-do bilan shug‘ullanib kelishmoqda. Zallar karate uchun mo‘ljallangan sport anjomlari bilan jihozlangan.
Ma’lumotlar:
Sayti: itkf.uz
Ijtimoiy tarmoqlari: @itkf_karate_uzbekistan
Telefon raqami: 99 855 37 01
