Hindistonning Mumbay shahrida tennis bo‘yicha ITF tasnifidagi "M25" turniri davom etmoqda.
Biroz avval musobaqada final ishtirokchilari ma’lum bo‘ldi. Turnirning birinchi raqamli tennischi sifatida tasniflangan Humoyun Sultonov bosh sovrin uchun kortga chiqadigan bo‘ldi.
O‘zbekistonning birinchi raketkasi ortiqcha qiyinchiliksiz final chiptasini qo‘lga kiritdi. Humoyun 66 daqiqa davom etgan yarim final bahsida turnirning beshinchi raketkasi, rossiyalik Bogdan Bobrovni 6/2, 6/1 hisobida taslim etdi.
Sultonovning finaldagi raqibi Dalibor Svrchina bo‘ladi. Chexiyalik 22 yoshli tennischi Mumbay turnirida ikkinchi raqam ostida harakat qilmoqda. U bugun 1/2 finalda hindistonlik Karan Singhdan 6/4, 6/0 hisobida ustun keldi.
Taqqoslash uchun, Sultonov ATP reytingida 229, Bobrov 416, Svrchina esa 254-o‘rinni egallab turibdi.
