"Inter" himoya chizig‘ini kuchaytirish borasida qaror qabul qildi.

Corriere dello Sport nashri xabariga ko‘ra, "neradzurrilar" Stefan de Vray va Franchesko Acherbi o‘rnini bosa oladigan himoyachilarni xarid qilishni rejalashtirmoqda.

"Inter" "Udineze" himoyachisi Yaka Biyolga qiziqish bildirmoqda. Klub bungacha SSKAda o‘ynagan sloveniyalik Simone Indzagining uchta markaziy himoyachi bilan o‘yin tizimiga mos keladi, deb hisoblamoqda.

Qayd etilishicha, "Udineze" Yaka Biyolni yanvarda saqlab qolish niyatida, ammo yozda uning bo‘yicha takliflarni ko‘rib chiqishga tayyor – klub himoyachini kamida 30 million yevroga baholaydi.

"Inter" shuningdek, "Atalanta" himoyachisi Isak Xinni ham sotib olishni ko‘rib chiqmoqda - Bergamo klubi shvesiyalik futbolchini 35 million yevroga baholamoqda.