"Интер" ҳимоя чизиғини кучайтириш борасида қарор қабул қилди.
Corriere dello Sport нашри хабарига кўра, "нерадзуррилар" Стефан де Врай ва Франческо Ачерби ўрнини боса оладиган ҳимоячиларни харид қилишни режалаштирмоқда.
"Интер" "Удинезе" ҳимоячиси Яка Бийолга қизиқиш билдирмоқда. Клуб бунгача ЦСКАда ўйнаган словениялик Симоне Индзагининг учта марказий ҳимоячи билан ўйин тизимига мос келади, деб ҳисобламоқда.
Қайд этилишича, "Удинезе" Яка Бийолни январда сақлаб қолиш ниятида, аммо ёзда унинг бўйича таклифларни кўриб чиқишга тайёр – клуб ҳимоячини камида 30 миллион еврога баҳолайди.
"Интер" шунингдек, "Аталанта" ҳимоячиси Исак Хинни ҳам сотиб олишни кўриб чиқмоқда - Бергамо клуби швециялик футболчини 35 миллион еврога баҳоламоқда.
