«Lion» futbolchisi Rayan Sherki «Liverpul»ga o‘tishi mumkin.

Mersisaydliklar allaqachon boshqa Yevropa grandlari qatorida fransuzga da’vogarlar orasida bor. «MailSport» ma’lumotlariga ko‘ra, «Liverpul» Sherkiga Muhammad Salohning uzoq muddatli o‘rinbosarlaridan biri sifatida qaraydi. «Lion» moliyaviy qiyinchiliklarga duch kelmoqda, shuning uchun u o‘z yulduzini keyingi yili sotishga majbur bo‘lishi ehtimoli yuqori.

«Transfermarkt» portali ekspertlari Rayan Sherkining narxini 20 million yevroga baholamoqda. Joriy mavsumda maydon markazida va qanotda o‘ynay oladigan 21 yoshli hujumkor yarim himoyachi 11 ta o‘yinda 2 ta gol va 3 ta natijaviy pas qayd etdi.