Angliya terma jamoasi vingeri Antoni Gordon Irlandiya ustidan qozonilgan g‘alaba (5:0) haqida fikr bildirdi.
"Tanaffusda men jamoaga xavotirlanishga hojat yo‘qligini aytdim, chunki raqiblar bu sur’atga to‘liq 90 daqiqa dosh bera olmasdi.
Bu shunchaki imkonsiz edi. Ular charchaganida, biz buni xotirjamlik bilan hal qildik. Angliya uchun debyut golim? Ajoyib tuyg‘u.
Men buni juda uzoq kutgandim, menda foydalana olmagan bir qancha imkoniyatlar bo‘lgan edi, shuning uchun to‘pni to‘rda ko‘rish yoqimli”, - deya Gordonning so‘zlarini keltiradi UEFA matbuot xizmati.
