Madridning “Real” klubi bosh murabbiyi Karlo Anchelotti joriy mavsumni jamoaning asosiy himoyachilari Eder Militao va Daniel Karvaxal jarohati tufayli yangi o‘yinchilar bilan shartnoma imzolamasdan, himoyada fransiyalik yarim himoyachi Aureliyen Tchuamenini ishlatmoqchi. Bu haqda Relevo nashri xabar berdi.
Klub rahbariyati qishda markaziy himoyachi olish uchun transfer bozoriga chiqish niyatida emas. Klubning fikricha, ayni damda tarkibning asosiy futbolchilarini vaqtincha almashtirish uchun ortiqcha pul to‘lashga hojat yo‘q, shuningdek, akademiya tarbiyalanuvchilari ham bu imkoniyatdan foydalanishlari mumkin.
Karlo Anchelotti Tchuameni jarohatidan tuzalib ketguniga qadar Eder Militaoni almashtira olishiga ishonmoqda. Italiyalik mutaxassisning so‘zlariga ko‘ra, fransiyalik futbolchi Germaniya terma jamoasi futbolchisi Antonio Ryudiger bilan markaziy himoyachilar juftligini shakllantiradi.
