Vengriya milliy jamoasi va "Liverpul" klubi yarim himoyachisi Dominik Soboslai Germaniyaga qarshi o‘yin natijasi (1:1) haqida fikr bildirdi.

"Bunday hisob adolatli emas deb o‘ylayman, chunki biz Germaniyaga qaraganda ko‘proq gol urish imkoniyatlarini yaratdik, ammo ulardan foydalana olmadik. Ijobiy tomonlarni ham ko‘rishimiz mumkin, biz raqib darvozasiga xavf solishga erishyapmiz. Ha, gol urmaymiz, lekin imkoniyatlarsiz o‘ynashdan ko‘ra, shunday o‘ynaganimiz afzal.

Qo‘shimcha vaqtdagi penalti haqida aytadigan bo‘lsam, bu hafta men penaltilarni ko‘p mashq qildim. Ko‘pincha darvozabonning o‘ng tomoniga zarba berardim, lekin bu safar darhol markazga urish kerak degan qarorga keldim," - deya Soboslaining so‘zlarini UYEFA matbuot xizmati keltirmoqda.