Венгрия миллий жамоаси ва "Ливерпуль" клуби ярим ҳимоячиси Доминик Собослаи Германияга қарши ўйин натижаси (1:1) ҳақида фикр билдирди.
"Бундай ҳисоб адолатли эмас деб ўйлайман, чунки биз Германияга қараганда кўпроқ гол уриш имкониятларини яратдик, аммо улардан фойдалана олмадик. Ижобий томонларни ҳам кўришимиз мумкин, биз рақиб дарвозасига хавф солишга эришяпмиз. Ҳа, гол урмаймиз, лекин имкониятларсиз ўйнашдан кўра, шундай ўйнаганимиз афзал.
Қўшимча вақтдаги пенальти ҳақида айтадиган бўлсам, бу ҳафта мен пенальтиларни кўп машқ қилдим. Кўпинча дарвозабоннинг ўнг томонига зарба берардим, лекин бу сафар дарҳол марказга уриш керак деган қарорга келдим," - дея Собослаининг сўзларини УЕФА матбуот хизмати келтирмоқда.
