Superog‘ir vazn toifasida jahon chempioni Aleksandr Usik hamda sobiq chempioni Tayson Fyuri o‘rtasidagi revansh jangi uchun gonorarlar ma’lum bo‘ldi.

Revansh jangi uchun Usik umumiy mablag‘ning 60, Fyuri esa 40 foizini oladi. The Sportster nashri tarqatgan xabarga ko‘ra, gonorarning umumiy miqdori 190 million dollarni tashkil qiladi. Usik 114 million, Tayson esa 76 million dollarni qo‘lga kiritadi.

Ular o‘rtasidagi jang 21 dekabr kuni Saudiya Arabistoni poytaxti Ar-Riyod shahrida bo‘lib o‘tadi.

Mazkur kardda hamyurtimiz Isroil Madrimov ukrainalik Sergey Bogachukka qarshi ringga ko‘tariladi.