Italiya chempionatida o‘n uchinchi tur o‘yinlari bo‘lib o‘tmoqda.
"Fiorentina" liga debyutanti "Komo"ga tashrif buyurdi va har bir bo‘limda bittadan gol urdi. Shu tariqa, “binafsharanglar” o‘zlarining navbatdagi g‘alabasini qo‘lga kiritishdi va bu “Fiorentina”ning ushbu mavsumdagi ketma-ket yettinchi g‘alabasi bo‘ldi.
Bu hodisa oxirgi marta 1960 yilning bahorida sodir bo‘lgan edi.
Hozirgi muvaffaqiyatlari evaziga “Fiorentina” A Seriya turnir jadvalida allaqachon uchinchi o‘ringa ko‘tarilib oldi va ochkolar bo‘yicha “Atalanta” va “Inter” bilan birinchi o‘rinni bo‘lishib turibdi, biroq qo‘shimcha ko‘rsatkichlar bo‘yicha ulardan orqada.
