Италия чемпионатида ўн учинчи тур ўйинлари бўлиб ўтмоқда.
"Фиорентина" лига дебютанти "Комо"га ташриф буюрди ва ҳар бир бўлимда биттадан гол урди. Шу тариқа, “бинафшаранглар” ўзларининг навбатдаги ғалабасини қўлга киритишди ва бу “Фиорентина”нинг ушбу мавсумдаги кетма-кет еттинчи ғалабаси бўлди.
Бу ҳодиса охирги марта 1960 йилнинг баҳорида содир бўлган эди.
Ҳозирги муваффақиятлари эвазига “Фиорентина” А Серия турнир жадвалида аллақачон учинчи ўринга кўтарилиб олди ва очколар бўйича “Аталанта” ва “Интер” билан биринчи ўринни бўлишиб турибди, бироқ қўшимча кўрсаткичлар бўйича улардан орқада.
