Mashhur britaniyalik bokschi Toni Belyu og‘ir vazn toifasida WBA, WBO va WBC chempioni Aleksandr Usik va britaniyalik Tayson Fyuri o‘rtasidagi revansh uchun o‘z prognozlarini bildirdi.
"Bo‘yi 192 santimetr, vazni 100 kilogramm bokschining bo‘yi 210 santimetr, og‘irligi 127 kilogramm bo‘lgan raqibga qarshi tura olishi aql bovar qilmaydigan ish. Ammo Usik buni uddalay olgan. Shu bois revansh jangida ham Fyurining hech qanday imkoniyati yo‘q, deb hisoblayman. O‘ylaymanki, bu yopiq bahs bo‘ladi va unda ukrainalik bokschi ochkolar evaziga g‘alaba qozonadi”, — dedi Belyu.
Eslatib o‘tamiz, Usik va Fyuri o‘rtasidagi revansh 21 dekabr kuni Saudiya Arabistonida bo‘lib o‘tadi.
