39 yoshli Krishtianu Ronaldu yuqori darajadagi o‘yin namoyish etishda davom etmoqda.

Dushanba oqshomida “An-Nasr” hujumchisi OCHL doirasidagi “Al Garafa”ga qarshi bahsda dubl qayd etdi.

Ronalduning faoliyatidagi gollari soni 913 taga yetdi. Ko‘rib turganingizdek, portugaliyalik yulduzning minglik dovonga yetib borishi uchun 87 ta gol qoldi. 

Krishtianu Ronaldu avvalroq bir necha bor mingta gol urish istagi haqida gapirgandi. Shu bilan birga, portugaliyalik futbolchi shuncha gol ura olmasa, bu uning uchun fojia bo‘lmasligini ta’kidlagan.