"Liverpul" o‘tgan yozda qo‘lga kirita olmagan "Real Sosyedad" yarim himoyachisi Martin Subimendiga qiziqish bildirmoqda.
O‘tgan yozda Subimendi "Liverpul"ning birinchi raqamli transfer maqsadi edi, ammo yakunda Martin o‘z klubida qolishni ma’qul ko‘rdi.
O‘shandan beri "Liverpul" o‘z muammosiga yechim topdi, Rayan Gravenberx bu rolda zo‘r o‘ynadi.
Biroq, The Athletic nashrining ta’kidlashicha, "Liverpul" Subimendiga jiddiy qiziqish bildirmoqda va muvaffaqiyatsiz transfer uchun Martinning o‘zidan ko‘ra "Real Sosyedad" ko‘proq aybdor deb hisoblaydi.
So‘nggi haftalarda "Manchester Siti" yanvar oyida Subimendi uchun taklif yuborishi mumkinligi haqida mish-mishlar tarqaldi va agar bu haqiqat bo‘lib chiqsa, "Liverpul" 25 yoshli ispaniyalik futbolchi uchun kurashishga tayyor.
