"Bayer" 21 yoshli hujumkor yarim himoyachi Florian Virs uchun so‘ragan 100 million yevro miqdori nemis futbolchisining unga qiziqish bildirgan "Real Madrid"ga o‘tishini sezilarli darajada murakkablashtiradi. Bu haqda The Athletic nashri xabar berdi.
Manba ma’lumotlariga ko‘ra, "dorishunoslar" tomonidan o‘yinchiga belgilangan yuqori narxga qaramay, "qaymoqranglilar" hali ham Virtsga qiziqish bildirmoqda. Yarim himoyachining "Real"ga potentsial o‘tishida uning shaxsiy istagi muhim rol o‘ynaydi. Shuningdek, 2025 yilning yozida "Qirollik klubi"ga "Bayer"ning amaldagi bosh murabbiyi Xabi Alonso boshchilik qilishi ehtimoli bor, bu esa Virsning Ispaniyaning grand jamoasiga o‘tish imkoniyatini oshiradi.
Shu bilan birga, "Bavariya" ham 21 yoshli futbolchini sotib olish uchun bor kuchini sarflashga tayyor.
