«Koventri» egasi Dug King kelasi yozda Lissabonning «Sporting» klubi hujumchisi Viktor Dyokeresh transferidan ulush olishi mumkin bo‘lgan ikkita ingliz klubini aytdi.
Dyokeresh 2023 yilning yozida «Koventri»dan transfer qilinganidan so‘ng «Sporting» safida 70 ta o‘yinda 67 ta gol urgan.
Mavsum yakunlangach, «Sporting» shvedni ketishiga ruxsat berishi kutilmoqda. U bilan «Manchester Yunayted» va «Arsenal» shartnoma imzolashga jiddiy qiziqish bildirmoqda.
«Koventri» Dyokereshning sobiq klubi sifatida «Sporting» futbolchisini keyingi sotuvidan daromad olishi mumkin, shuningdek Viktor 2018 yildan 2021 yilgacha o‘ynagan «Brayton»ga ham ma’lum ulush beriladi.
