Madridning «Atletiko» klubi safarda «Valyadolid»ni 5:0 hisobida mag‘lub etib, g‘alabalar seriyasini davom ettirdi.
«Matraschilar» La Liganing 15-turidan o‘rin olgan shanba kungi o‘yinda raqiblariga hech qanday imkoniyat qoldirmadi. Diyego Simeone jamoasi uchun bu allaqachon barcha turnirlardagi ketma-ket yettinchi g‘alaba bo‘lib, ulardan beshtasi raqib maydonlarida qo‘lga kiritilgan. Jurnalist Pedro Martinning so‘zlariga ko‘ra, 2012 yildan buyon «Atletiko» birinchi marta ketma-ket beshta safar uchrashuvida g‘alaba qozona oldi.
Bungacha Madridliklar safarda Chexiyaning «Sparta» (6:0), «Malyorka» (1:0), «PSJ» (2:1) va «Vik» (2:0) klublarini mag‘lub etgandi. Oxirgi omadsiz safar 27 oktyabr kuni bo‘lib o‘tgandi – o‘shanda «Betis»ga qarshi o‘yinda minimal mag‘lubiyat qayd etilgandi.
