"Yuventus" darvozaboni Mattia Perin Tyago Mottaning o‘yinga yondashuviga shubha qilmaslikka chaqirdi. Yakshanba kuni bo‘lib o‘tgan A Seriyaning 14-tur uchrashuvida turinliklar "Lechche"ga qarshi qo‘shib berilgan vaqtda o‘z darvozasidan gol o‘tkazib yubordi va tayyor g‘alabani qo‘ldan chiqardi.

Bu "byankonerilar"ning barcha musobaqalardagi so‘nggi sakkiz uchrashuvidagi oltinchi durangidir.

"Bizga jarohat olgan futbolchilar yetishmayapti, ammo buni bahona sifatida ishlatishni yoqtirmaymiz. Yosh yigitlarga o‘zini ko‘rsatish vaqti keldi. Bizda 23-24 nafar futbolchi bor, ularning barchasi bir-birini almashtira oladi. Biz to‘g‘ri yo‘lda ekanligimizga ishonchimiz komil. Bu uslubda o‘ynab, g‘alaba qozonish imkoniyatini oshiramiz. Biz falsafani tubdan o‘zgartirdik, lekin biz o‘z qarashlarimizga ishonamiz", — dedi Perin DAZN bilan suhbatda.