"Ювентус" дарвозабони Маттиа Перин Тьяго Моттанинг ўйинга ёндашувига шубҳа қилмасликка чақирди. Якшанба куни бўлиб ўтган А Сериянинг 14-тур учрашувида туринликлар "Лечче"га қарши қўшиб берилган вақтда ўз дарвозасидан гол ўтказиб юборди ва тайёр ғалабани қўлдан чиқарди.
Бу "бьянконерилар"нинг барча мусобақалардаги сўнгги саккиз учрашувидаги олтинчи дурангидир.
"Бизга жароҳат олган футболчилар етишмаяпти, аммо буни баҳона сифатида ишлатишни ёқтирмаймиз. Ёш йигитларга ўзини кўрсатиш вақти келди. Бизда 23-24 нафар футболчи бор, уларнинг барчаси бир-бирини алмаштира олади. Биз тўғри йўлда эканлигимизга ишончимиз комил. Бу услубда ўйнаб, ғалаба қозониш имкониятини оширамиз. Биз фалсафани тубдан ўзгартирдик, лекин биз ўз қарашларимизга ишонамиз", — деди Перин DAZN билан суҳбатда.
