«Chelsi» bosh murabbiyi Enso Mareska «ko‘klar» «Liverpul», «Arsenal» va «Manchester Siti» kabi jamoalar bilan raqobat qilishga tayyormi yoki yo‘qligi haqida o‘z fikrlarini bildirib o‘tdi. Kecha, 1 dekabr kuni «Chelsi» «Aston Villa»ni yirik 3:0 hisobida mag‘lub etdi.
«Menimcha, biz ko‘p sabablarga ko‘ra «Liverpul», «Arsenal» va «Manchester Siti» bilan raqobatlashishga tayyor emasmiz. Bugun g‘alaba qozonganimiz uchun men o‘z nuqtai nazarimni o‘zgartirmoqchi emasman, biz bunga tayyor emasmiz. Lekin yaxshi tomoni shundaki, biz yaxshilanmoqdamiz va umid qilamanki, biz bunga tez orada erishamiz.
Albatta, biz ko‘p narsani yaxshilashimiz kerak. Biz yaxshiroq hujum qila olamiz, yaxshiroq himoyalana olamiz, ammo men uchun yaxshiroq bo‘lish uchun lahzalarni yashash kerak», - deya Mareska so‘zlarini keltirmoqda klub rasmiy sayti.
«Chelsi» Angliya Premyer-ligasi turnir jadvalida uchinchi o‘rinda bormoqda.
