«An-Nasr» birozdan so‘ng Elit Osiyo Chempionlar Ligasi doirasida «As-Sadd»ga qarshi o‘yin o‘tkazadi. Saudiya Arabistoni jamoasi muxlislari tarkibda yulduz Krishtianu Ronaldu yo‘qligidan hayratda qolishdi. Yulduz portugaliyalik hatto «An-Nasr»ning zaxira o‘yinchilari ro‘yxatida ham yo‘q.
Ronalduning sog‘lig‘i bilan bog‘liq muammolar haqida xabarlar yo‘q. Balki 39 yoshli forvard so‘nggi paytlarda muntazam ravishda gol urayotgan bo‘lsada, shunchaki dam olishga muhtojdir.
«An-Nasr»ning ijtimoiy tarmoqdagi sahifalarida ko‘pchilik muxlislar Ronalduning qayerda ekanligi haqida bosh qotirmoqda. Ba’zilar hatto yulduz hujumchi yo‘qligi sababli o‘yinni ko‘rmasliklarini yozishmoqda.
