«Ан-Наср» бироздан сўнг Элит Осиё Чемпионлар Лигаси доирасида «Ас-Садд»га қарши ўйин ўтказади. Саудия Арабистони жамоаси мухлислари таркибда юлдуз Криштиану Роналду йўқлигидан ҳайратда қолишди. Юлдуз португалиялик ҳатто «Ан-Наср»нинг захира ўйинчилари рўйхатида ҳам йўқ.
Роналдунинг соғлиғи билан боғлиқ муаммолар ҳақида хабарлар йўқ. Балки 39 ёшли форвард сўнгги пайтларда мунтазам равишда гол ураётган бўлсада, шунчаки дам олишга муҳтождир.
«Ан-Наср»нинг ижтимоий тармоқдаги саҳифаларида кўпчилик мухлислар Роналдунинг қаерда эканлиги ҳақида бош қотирмоқда. Баъзилар ҳатто юлдуз ҳужумчи йўқлиги сабабли ўйинни кўрмасликларини ёзишмоқда.
