"Manchester Siti" bosh murabbiyi Pep Gvardiola yarim himoyachi Kevin De Bryuyne bilan mojaro bo‘lganligi haqidagi mish-mishlarni rad etdi.

"Manchester Siti" hozirda Gvardiola davrida o‘zining eng og‘ir inqirozini boshdan kechirmoqda, u barcha musobaqalarda ketma-ket yettita o‘yinda g‘alaba qozona olmadi.

Shu bilan birga, De Bryuyne faqat so‘nggi beshta o‘yinda zaxiradan maydonga tushdi, shu sababdan Kevin Gvardiola bilan tortishib qolgan degan taxminlar bor edi, biroq Xosep buni rad etadi.

"Odamlar mening Kevin bilan muammom bor, deyishadi. Kevin o‘ynamasa, menga yoqadi deb o‘ylaysizmi? Yo‘q.

Bu yigit raqib darvozasi oldidagi eng iqtidorga ega va men undan foydalanmoqchi emasman? To‘qqiz yil birga bo‘lganimdan keyin mening shaxsiy muammolarim bormi?

U menga klubdagi eng katta muvaffaqiyatni keltirdi, ammo u o‘tgan mavsumda besh oy va joriy mavsumda ikki oy jarohat oldi.

U 33 yoshda. Unga o‘tgan mavsumdagi kabi bosqichma-bosqich o‘zining eng yaxshi formasiga kirishi uchun vaqt kerak. U bunga intilmoqda va uning holati yaxshilanmoqda. Men uning eng yaxshi formada bo‘lishini juda xohlayman", - dedi Gvardiola Sky Sports bilan suhbatda.