Fabio Vieyra "Arsenal"ga 2022 yilda 32 million funt sterling evaziga kelib qo‘shilgan, ammo London shimolida o‘zini ko‘rsata olmadi. 24 yoshli futbolchi hozirda "Portu"da mavsum oxirigacha ijarada o‘ynamoqda, ammo uning "kanonirlar"ga qaytishi so‘roq ostida qolmoqda.
Daily Mail xabariga ko‘ra, "Arsenal" Fabio Vieyra bo‘yicha takliflarni tinglashga tayyor. Uning londonliklar bilan shartnomasi 2027 yilgacha tuzilgan bo‘lsada, klub rahbariyati yozda yarim himoyachini sotishi mumkin.
Fabio Vieyra joriy mavsumda 13 ta o‘yinda maydonga tushib, 2 ta gol va 1 ta golli uzatmaga mualliflik qilgan.
