Фабио Виейра "Арсенал"га 2022 йилда 32 миллион фунт стерлинг эвазига келиб қўшилган, аммо Лондон шимолида ўзини кўрсата олмади. 24 ёшли футболчи ҳозирда "Порту"да мавсум охиригача ижарада ўйнамоқда, аммо унинг "канонирлар"га қайтиши сўроқ остида қолмоқда.
Daily Mail хабарига кўра, "Арсенал" Фабио Виейра бўйича таклифларни тинглашга тайёр. Унинг лондонликлар билан шартномаси 2027 йилгача тузилган бўлсада, клуб раҳбарияти ёзда ярим ҳимоячини сотиши мумкин.
Фабио Виейра жорий мавсумда 13 та ўйинда майдонга тушиб, 2 та гол ва 1 та голли узатмага муаллифлик қилган.
